Japanese | Enlgish

ຫນ້າທຳອິດ>ການສຶກສາ ແລະ ວັດທະນະທຳ>ທຶນການສຶກສາລັດຖະບານຍີ່ປຸ່ນ

ທຶນການສຶກສາລັດຖະບານຍີ່ປຸ່ນ (Monbukagakusho:MEXT) ສຳລັບປະເທດລາວ

MEXT (ກະຊວງສຶກສາທິການ, ວັດທະນະທຳ, ກິລາ, ວິທະຍາສາດ ແລະ ເຕັກໂນໂລຊີ, ລັດຖະບານຍີ່ປຸ່ນ) ແລະ ສະຖານທູດຍີ່ປຸ່ນ ທີ່ ສປປ ລາວ ໄດ້ໃຫ້ທຶນການສຶກສາແກ່ນັກສຶກ ສາລາວຜູ້ທີ່ມີຈຸດປະສົງຢາກໄປຮຽນທີ່ ມະຫາວິທະຍາໄລ/ວິທະຍາໄລວິຊາຊີບຊັ້ນສູງ/ວິທະ ຍາໄລວິຊາຊີບຊັ້ນກາງ). ທັງຫມົດມີ 7 ໂຄງການ ດັ່ງຕໍ່ໄປນີ້:

1. ນັກສຶກສາຄົ້ນຄວ້າ / 2. ນັກສຶກສາປຣິນຍາຕີ / 3. ນັກສຶກສາ ວິທະຍາໄລເຕັກໂນໂລຢີ / 4. ນັກສຶກສາ ວິທະຍາໄລວິຊາຊີບ / 5. ໂຄງການຍີ່ປຸ່ນສຶກສາ / 6. ໂຄງການພັດທະນາຄູ (Teacher-Training Students) / 7. ໂຄງການຜູ້ນຳຫນຸ່ມ (YLP) / 8. ທຶນການສຶກສາຊາວຫນຸ່ມອາຊີ (AYF)

1. ນັກສຶກສາຄົ້ນຄວ້າ (Research Students)

ສະຖານທູດຍີ່ປຸ່ນຈະນຳສະເຫນີນັກສຶກສາລາວທີ່ຜ່ານການຂັດເລືອກ ເພື່ອເຂົ້າຮຽນໃນມະຫາວິທະຍາໄລຍີ່ປຸ່ນ ເປັນນັກສຶກສາຄົ້ນຄວ້າ. ຜູ້ສະຫມັກ 2010 ທຸກຄົນຕ້ອງເປັນສັນຊາດລາວ, ແລະເກີດໃນວັນທີ ຫຼື ຫຼັງວັນທີ 2 ເມສາ 1975. ກຳນົດເວລາຂອງທືນ ແມ່ນ 2 ປີ ຫລື 1 ປີ 6 ເດືອນ, ຄືເລີ່ມແຕ່ເດືອນເມສາ 2010 ໄປ ໃນນີ້ນັບລວມທັງ 6 ເດືອນ ໃນການຮຽນພາສາຍີ່ປຸ່ນ.

ບົດສອບເສັງຂອງປີຜ່ານມາ ສໍາລັບວິຊາສອບເສັງພາກຂຽນ (ນັກສຶກສາຄົ້ນຄວ້າ)


ກັບຄືນຂື້ນເທີງ

2. ນັກສຶກສາປຣິນຍາຕີ (Undergraduate Students)

ສະຖານທູດຍີ່ປຸ່ນຈະນຳສະເຫນີນັກສຶກສາທີ່ຜ່ານການຂັດເລືອກ ເພື່ອເຂົ້າຮຽນໃນມະຫາວິທະຍາໄລຍີ່ປຸ່ນ ເປັນນັກສຶກສາປຣິນຍາຕີ. ຜູ້ສະຫມັກທຸກຄົນຕ້ອງເປັນສັນຊາດລາວ, ແລະເກີດໃນລະຫວ່າງວັນທີ 2 ເມສາ 1988 ຫາວັນທີ 1 ເມສາ 1993. ກຳນົດເວລາຂອງທືນ ແມ່ນ 5 ປີ ຄືເລີ່ມແຕ່ເດືອນເມສາ 2010 ໄປ ໃນນີ້ນັບລວມທັງ 1 ປີ ໃນການຮຽນພາສາຍີ່ປຸ່ນ ແລະ ວິຊາອື່ນໆ. ໃບປະກາດສະນີຍະບັດປຣິນຍາຕີ ຈະຖືກມອບໃຫ້ ຫລັງຮຽນຈົບວິຊາດັ່ງກ່າວທີ່ມະຫາວິທະຍາໄລ. ການຮັບເອົານັກສຶກສາ ຈະໄດ້ດຳເນີນການ ຜ່ານສະຖານທູດຍີ່ປຸ່ນ ໂດຍອິງຕາມການນຳສະເຫນີ ຂອງເຈົ້າຫນ້າທີ່ກ່ຽວຂ້ອງຂອງສະຖານທູດ.

ບົດສອບເສັງຂອງປີຜ່ານມາ ສໍາລັບວິຊາສອບເສັງພາກຂຽນ (ນັກສຶກສາປຣິນຍາຕີ)


ກັບຄືນຂື້ນເທີງ

3. ນັກສຶກສາ ວິທະຍາໄລເຕັກໂນໂລຢີ (College of Technology Students)

ສະຖານທູດຍີ່ປຸ່ນຈະນຳສະເຫນີນັກສຶກສາທີ່ຜ່ານການຂັດເລືອກ ເພື່ອເຂົ້າຮຽນໃນວິທະຍາໄລເຕັກໂນໂລຢີຍີ່ປຸ່ນ. ຜູ້ສະຫມັກ 2010 ທຸກຄົນຕ້ອງເປັນສັນຊາດລາວ, ແລະເກີດໃນລະຫວ່າງວັນທີ 2 ເມສາ 1988 ຫາວັນທີ 1 ເມສາ 1993. ກຳນົດເວລາຂອງທືນແມ່ນ 4 ປີ ຄືເລີ່ມແຕ່ເດືອນເມສາ 2010 ໄປ ໃນນີ້ນັບລວມທັງ 1 ປີ ໃນການຮຽນພາສາຍີ່ປຸ່ນ ແລະ ວິຊາອື່ນໆ. ຜູ້ທີ່ເລືອກວິຊາ ວິສະວະກຳແຫ່ງທະເລ (maritime engineering) ກຳກົດ ເວລາຂອງທືນແມ່ນ 4 ປີ ເຄິ່ງ. ຜູ້ຮັບທຶນຈະໄດ້ຮັບໃບປະກາດສະນີຍະບັດ ກໍຕໍ່ເມື່ອ ໄດ້ຮຽນຈົບວິຊາທີ່ຕົນເລືອກຮຽນທີ່ວິທະຍາໄລເຕັກໂນໂລຢີ ແລະ ຈະໄດ້ຮັບຊັ້ນທຽບເທົ່າ ຮອງປຣິນຍາຕີ. ການຮັບເອົານັກສຶກສາ ຈະໄດ້ດຳເນີນການຜ່ານສະຖານທູດຍີ່ປຸ່ນ ໂດຍອິງຕາມການນຳສະເຫນີ ຂອງເຈົ້າຫນ້າທີ່ກ່ຽວຂ້ອງຂອງສະຖານທູດ.

ບົດສອບເສັງຂອງປີຜ່ານມາ ສໍາລັບວິຊາສອບເສັງພາກຂຽນ (ນັກສຶກສາ ວິທະຍາໄລເຕັກໂນໂລຢີ)


ກັບຄືນຂື້ນເທີງ

4. ນັກສຶກສາ ວິທະຍາໄລວິຊາຊີບ (Professional Training College Students)

ສະຖານທູດຍີ່ປຸ່ນຈະນຳສະເຫນີນັກສຶກສາທີ່ຜ່ານການຂັດເລືອກ ເພື່ອເຂົ້າຮຽນໃນວິທະຍາໄລຝຶກວິຊາຊີບຍີ່ປຸ່ນ . ຜູ້ສະຫມັກ 2009 ທຸກຄົນຕ້ອງເປັນສັນຊາດລາວ, ແລະເກີດໃນລະຫວ່າງວັນທີ 2 ເມສາ 1987 ຫາວັນທີ 1 ເມສາ 1992. ກຳນົດເວລາຂອງທືນແມ່ນ 3 ປີ ຄືເລີ່ມແຕ່ເດືອນເມສາ 2009 ໄປ ໃນນີ້ນັບລວມທັງ 1 ປີ ໃນການຮຽນພາສາຍີ່ປຸ່ນ ແລະ ວິຊາອື່ນໆ. ຜູ້ຮັບທືນຈະໄດ້ເຂົ້າຮຽນໃນຂັ້ນວິຊາຊີບຊັ້ນກາງຂອງ ວິທະຍາໄລວິຊາຊີບ ແລະ ຈະລົງເລິກດ້ານວິຊາສະເພາະຂອງຕົນເປັນເວລາ 2 ປີ. ຜູ້ຮັບທຶນ ຈະໄດ້ຮັບໃບ ປະກາດສະນີຍະບັດ ກໍຕໍ່ເມື່ອໄດ້ຮຽນຈົບວິຊາທີ່ຕົນເລືອກຮຽນທີ່ ວິທະຍາໄລວິຊາຊີບ. ການຮັບເອົານັກສຶກສາ ຈະໄດ້ດຳເນີນການຜ່ານສະຖານທູດຍີ່ປຸ່ນ ໂດຍອິງຕາມການນຳສະເຫນີ ຂອງເຈົ້າຫນ້າທີ່ກ່ຽວຂ້ອງຂອງສະຖານທູດ.

ບົດສອບເສັງຂອງປີຜ່ານມາ ສໍາລັບວິຊາສອບເສັງພາກຂຽນ (ນັກສຶກສາ ວິທະຍາໄລວິຊາຊີບ)


ກັບຄືນຂື້ນເທີງ

5. ໂຄງການຍີ່ປຸ່ນສຶກສາ (Japanese Studies Students)

ໂຄງການນີ້ ຈະໃຫ້ທືນແກ່ນັກສຶກສາລາວ ໃນການຮຽນພາສາຍີ່ປຸ່ນດ້ວຍລະບົບເລັ່ງລັດ ທີ່ມະຫາວິທະຍາໄລຍີ່ປຸ່ນ ແລະ ທັງເປັນການເຮັດໃຫ້ເຂົາເຈົ້າຮູ້ກ່ຽວກັບຍີ່ປຸ່ນ ແລະ ວັດທະ ນະທຳຍີ່ປຸ່ນໃຫ້ຫລາຍຂຶ້ນ. ຜູ້ສະຫມັກ 2009 ທຸກຄົນຕ້ອງເປັນສັນຊາດລາວ, ໃນລະຫວ່າງວັນທີ 2 ເມສາ 1979 ຫາວັນທີ 1 ເມສາ 1991 ແລະ ຕ້ອງເປັນນັກສຶກສາຂັ້ນປຣິນຍາຕີໃນຄະນະ ຫລື ໂຮງຮຽນທີ່ສອນພາສາຍີ່ປຸ່ນ ຫລື ວັດທະນະທຳຍີ່ປຸ່ນ ເປັນສ່ວນໃຫຍ່ ຫລືນ້ອຍ ທີ່ມະຫາວິ ທະຍາໄລຂອງລາວ ໃນຂະນະທີ່ຜູ້ກ່ຽວໄປ ແລະ ກັບຈາກຍີ່ປຸ່ນ. ເງີນທືນການສຶກສາຈະຈ່າຍໃຫ້ແຕ່ລະຄົນທີ່ໄດ້ຮັບທຶນ ສຳລັບສະເພາະໄລຍະເວລາທີ່ຮຽນ 1 ປີ ເທົ່ານັ້ນ ຄືເລີ່ມແຕ່ເດືອນຕຸລາ 2009 (ຫລື ເລີ່ມແຕ່ເດືອນທີ່ເຂົ້າຮຽນ). ການຮັບເອົານັກສຶກສາ ຈະໄດ້ດຳເນີນການຜ່ານສະຖານທູດຍີ່ປຸ່ນ ໂດຍອິງຕາມການນຳສະເຫນີ ຂອງເຈົ້າຫນ້າທີ່ກ່ຽວຂ້ອງຂອງສະຖານທູດ.

ບົດສອບເສັງຂອງປີຜ່ານມາ ສໍາລັບວິຊາສອບເສັງພາກຂຽນ


ກັບຄືນຂື້ນເທີງ

6. ໂຄງການພັດທະນາຄູ (Teacher-Training Students)

ໂຄງການດັ່ງກ່າວ ຈະໄດ້ໃຫ້ທຶນແກ່ຄູອາຈານໄປຍົກລະດັບດ້ານວິຊາສະເພາະ ທີ່ມະຫາວິທະຍາໄລຍີ່ປຸ່ນ. ກະຊວງສຶກສາທິການລາວເປັນຜູ້ສະເຫນີ ລາຍຊື່ຜູ້ສະຫມັກມາຍັງສະຖານທູດຍີ່ປຸ່ນ ເພື່ອທຳການສອບເສງຄັດເລືອກ. ຜູ້ສະຫມັກ 2009 ອາຍຸຕ້ອງເກີດໃນວັນທີ ຫຼື ຫຼັງວັນທີ 2 ເມສາ 1975. ຕ້ອງຮຽນຈົບຈາກມະຫາວິທະຍາໄລ ຫລື ວິທະຍາໄລສ້າງຄູ. ຕ້ອງເປັນອາຈານສອນຢູ່ໂຮງຮຽນປະຖົມ ຫລື ມັດທະຍົມສົມບູນ, ຫລື ເປັນພະນັກງານວິຊາການ ຢູ່ສະຖາບັນຝຶກອົບຮົບຄູ ທີ່ມີປີການຢ່າງນ້ອຍ 5 ປີ. ກຳຫນົດເວລາທືນການສຶກສາແມ່ນ 1 ປີ ເຄິ່ງ ຄືເລີ່ມແຕ່ ເດືອນຕຸລາ 2009 ເປັນຕົ້ນໄປ ໃນນັ້ນນັບລວມທັງການຮຽນພາສາຍີ່ປຸ່ນ 6 ເດືອນ. ຜູ້ໄດ້ຮັບທຶນ ຈະຖືເປັນດັ່ງນັກສຶກສາບໍ່ມີປຣິນຍາ (non-degree student) ແລະ ຈະໄດ້ຮັບໃບປະກາດ ສະນີຍະບັດຫລັງຈາກຮຽນຈົບວິຊາທີ່ຕົນຮຽນ ທີ່ມະຫາວິທະຍາໄລຍີ່ປຸ່ນ. ການຮັບເອົານັກສຶກສາ ຈະໄດ້ດຳເນີນການຜ່ານສະຖານທູດຍີ່ປຸ່ນ ໂດຍອິງຕາມການນຳສະເຫນີ ຂອງເຈົ້າຫນ້າທີ່ກ່ຽວຂ້ອງຂອງສະຖານທູດ.


ກັບຄືນຂື້ນເທີງ

7. ໂຄງການຜູ້ນຳຫນຸ່ມ (YLP)

ໂຄງການຜູ້ນຳຫນຸ່ມ (YLP) ແມ່ນໂຄງການທຶນການສຶກສາລັດຖະບານຍີ່ປຸ່ນ (MEXT) ເຊິ່ງໄດ້ເລີ່ມປະຕິບັດມາແຕ່ປີ 2001. ໂຄງການດັ່ງກ່າວແມ່ນມີຈຸດມຸ້ງຫມາຍໃຫ້ພະນັກງານລັດ ແລະ ນັກທຸລະກິດຜູ້ຫນຸ່ມນ້ອຍ ໄດ້ເຂົ້າສຶກສາໃນຂັ້ນປຣິນຍາໂທ ໃນ 1 ຂອງບັນດາມະຫາວິ ທະຍາໄລ 5 ແຫ່ງຂອງຍີ່ປຸ່ນທີ່ກຳຫນົດໄວ້ແລ້ວ. ແຕ່ລະມະຫາວິທະຍາໄລ ແມ່ນຮັບຜິດຊອບ ໃນການສອນວິຊານັ້ນໆ ເປັນພາສາອັງກິດ ດັ່ງລາຍຊື່ຂ້າງລຸ່ມນີ້:

  • ວິຊາການປົກຄອງ, ວິຊາການປົກຄອງທ້ອງຖິ່ນ: National Graduate Institute for Policy Studies (GRIPS)
  • ວິຊາບໍລິຫານການແພດ : ມະຫາວິທະຍາໄລ ນາໂກຢາ (Nagoya University)
  • ວິຊາບໍລິຫານທຸລະກິດ : ມະຫາວິທະຍາໄລ ຮິໂຕະຊຶບາຊິ (Hitotsubashi University)
  • ວິຊາກົດຫມາຍ: ມະຫາວິທະຍາໄລ ກີວຊູ (Kyushu University)

    • ຜູ້ສະຫມັກຕ້ອງເປັນສັນຊາດລາວ ອາຍຸຕ້ຳກວ່າ 40 ປີ ( ອາຍຸຕ່ຳກວ່າ 35 ປີ ສຳລັບ ວິຊາບໍລິຫານທຸລະກິດ). ຜູ້ສະຫມັກຕ້ອງຈົບຂັ້ນມະຫາວິທະຍາໄລ ດ້ວຍຂະແນນການຮຽນອັນດີເລີດ. ຕ້ອງມີປະສົບການເຮັດວຽກໃນລາວຢ່າງນ້ອຍ 3-5 ປີ. ຕ້ອງມີຄະແນນ TOEFL(paper-based) ຕ່ຳສຸດ 550 ຫລື ຄະແນນ 213 ຂອງ TOEFL-CBT. (ສຳລັບວິຊາບໍລິຫານທຸລະກິດຄະແນນ TOEFL ແມ່ນ 600 - TOEFL-CBT ແມ່ນ 250). ການຮັບເອົານັກສຶກສາ ຈະໄດ້ດຳເນີນການຜ່ານສະຖານທູດຍີ່ປຸ່ນ ໂດຍອິງຕາມການນຳສະເຫນີ ຂອງເຈົ້າຫນ້າທີ່ກ່ຽວຂ້ອງຂອງສະຖານທູດ. ການຄັດເລືອກເບື້ອງຕົ້ນແມ່ນ ຜ່ານການພິຈາລະນາຈາກຄຳຮ້ອງ, ການສອບສຳພາດ, ເນື້ອໃນໂຄງການສຶກສາ (essay)ແລະ ອື່ນໆ. ຄະນະກຳມະການ YLP ເຊິ່ງຈັດຕັ້ງຂຶ້ນໂດຍກະຊວງສຶກສາທິການຍີ່ປຸ່ນ ຈະເປັນຜູ້ຕັດສິນຄັດເລືອກຜູ້ສະຫມັກສອບເສງ ໃນຂັ້ນທີສອງ ແລະ ຂັ້ນສຸດທ້າຍ.

    ຫມາຍເຫດ:
    ສະຖານທູດຍີ່ປຸ່ນ ຂໍຄວາມຮ່ວມມືໄປຍັງພາກສ່ວນກ່ຽວຂ້ອງກັບແຕ່ລະຂະແຫນງວິຊາຕ່າງໆ ເພື່ອສະຫນີຜູ້ສະຫມັກເຂົ້າມາສອບເສງເອົາທືນ ດັ່ງລຸ່ມນີ້ :
    ກົດຫມາຍ :
    1. ຫ້ອງການກະຊວງຍຸດຕິທຳ ໂທຣ: 414-105
    2. ຫ້ອງການສານປະຊາຊົນສູງສຸດ ໂທຣ: 353-584
    3. ກົມຈັດຕັ້ງພະນັກງານ, ອະທິໄອຍະການປະຊາຊົນສູງສຸດ
    ບໍລິຫານທຸລະກິດ :
    ກົມຈັດຕັ້ງ, ກະຊວງອຸດສາຫະກຳ ແລະ ການຄ້າ ໂທຣ: 415-929 Ext 111
    ບໍລິຫານການແພດ :
    ກົມຈັດຕັ້ງ, ກະຊວງສາທາລະນະສຸກ ໂທຣ: 212-221
    ການປົກຄອງ, ແລະ ການປົກຄອງທ້ອງຖິ່ນ :
    ທະບວງການປົກຄອງ ໂທຣ: 212-545
    ກັບຄືນຂື້ນເທີງ

    8. ທຶນການສຶກສາຊາວຫນຸ່ມອາຊີ (AYF)

    ປະກາດ ທຶນການສຶກສາຊາວຫນຸ່ມອາຊີ 2010
    ສະຖານທູດຍີ່ປຸ່ນ ປະຈຳ ສປປ ລາວ ມີຄວາມຍິນດີແຈ້ງໃຫ້ທ່ານຊາບວ່າ ມູນນິທິຍີ່ປຸ່ນຈະໃຫ້ ທຶນການ ສຶກສາແກ່ນັກສຶກສາລາວ ທີ່ມີຈຸດປະສົງຢາກໄປຮຽນທີ່ມະຫາວິທະຍາໄລ ໃນປະເທດຍີ່ປຸ່ນ ພາຍໃຕ້ທຶນ ການສຶກສາຊາວຫນຸ່ມອາຊີ (AYF) ສຳຫລັບປີ 2010. ຜູ້ທີ່ໄດ້ຮັບທຶນການສຶກສາດັ່ງກ່າວ ຈະໄດ້ໄປຮຽນ ທີ່ປະເທດຍີ່ປຸ່ນ ໃນນາມນັກສຶກສາຄົ້ນຄວ້າທຶນລັດຖະບານຍີ່ປຸ່ນເປັນເວລາກຳຫນົດສອງປີ ຫລັງຈາກໄດ້ ຮຽນຈົບພາສາຍີ່ປຸ່ນເປັນເວລາ 7 ເດືອນ ທີ່ສະຖາບັນພາສາຍີ່ປຸ່ນຂອງມູນນິທິຍີ່ປຸ່ນ (Japan Foundation Japanese-Language Institute).

    ແບບຟອມຄຳຮ້ອງ ແລະ ເອກະສານແນະນຳ ແມ່ນມາຮັບເອົາໄດ້ທີ່ສະຖານທູດຍີ່ປຸ່ນ ທີ່ນະ ຄອນຫລວງວຽງຈັນ ແຕ່ວັນຈັນ ຫາ ວັນສຸກ ແຕ່ 9 ໂມງ 00 ຫາ 17 ໂມງ 00.

    ສຳຫລັບພະນັກງານທີ່ສັງກັດລັດ ໃຫ້ຍື່ນຄຳຮ້ອງຜ່ານທາງກົມສຶກສາຊັ້ນສູງ ກະຊວງສຶກສາທິການ ບໍ່ໃຫ້ກາຍ 17 ໂມງ 00 ຂອງວັນທີ 30 ຕຸລາ 2009.

    ສຳຫລັບຜູ້ສະຫມັກທີ່ບໍ່ສັງກັດພາກສ່ວນລັດ ໃຫ້ຍື່ນຄຳຮ້ອງນຳສະຖານທູດຍີ່ປຸ່ນ ບໍ່ໃຫ້ກາຍ
    17 ໂມງ 00 ຂອງວັນທີ 30 ຕຸລາ 2009.

    ຂໍ້ມູນເພີ່ມເຕີມ ກະລຸນາເຂົ້າເບິ່ງ website “Asia-SEED” ຫລືຈະຕິດຕໍ່ໂດຍກົງ ນຳພະແນກສຶກສາ ວັດທະນະທຳ ສະຖານທູດຍີ່ປຸ່ນ ໂທ: (021) 41 4400-3

    ຜົນການຄັດເລືອກຂັ້ນຕົ້ນ ທຶນການສຶກສາຊາວຫນຸ່ມອາຊີ 2010
    ປະກາດ ທຶນການສຶກສາຊາວຫນຸ່ມອາຊີ 2010

    Asia SEED: Asian Youth Fellowship (AYF)
    http://www.asiaseed.org/ayfj/

    ກັບຄືນຂື້ນເທີງ

    (c) ສະຖານເອກອັກຄະຣາຊະທູດຍີ່ປຸ່ນປະຈຳ ສປປ ລາວ