ກະລຸນາເບິ່ງພາບລວມຂອງຂັ້ນຕອນ ຕະຫຼອດເຖິງການເຮັດວຽກຢູ່ປະເທດຍີ່ປຸ່ນໃນນາມເປັນ SSW ດ້ານລຸ່ມນີ້. (ຕາຕະລາງຕໍ່ໄປນີ້ແມ່ນໄດ້ອະທິບາຍກ່ຽວກັບ SSW (i).) ເຖິງຢ່າງໃດກໍ່ຕາມ, ກະລຸນາຮັບຊາບວ່າຂັ້ນຕອນຕ່າງໆຈະແຕກຕ່າງກັນເລັກນ້ອຍຂື້ນກັບປະເທດ. ບາງປະເທດກໍ່ມີຂັ້ນຕອນພາຍໃນປະເທດຂອງຕົນເອງ (ສຳລັບລາຍລະອຽດ ແມ່ນກະລຸນາຕິດຕໍ່ສະຖານທູດຍີ່ປຸ່ນໃນແຕ່ລະປະເທດ ຫຼື ໜ່ວຍງານປະເທດຂອງທ່ານທີ່ຮັບຜິດຊອບໃນການສົ່ງແຮງງານໄປຕ່າງປະເທດ).

• ※1ສອບເສັງທີ່ສອດຄ່ອງກັບປະເພດການເຮັດວຽກໃນຂະແໜງອຸດສາຫະກຳທີ່ລະບຸ
• ※2- ການສອບເສັງຂອງມູນນິທິຍີ່ປຸ່ນ ສຳລັບພື້ນຖານພາສາຍີ່ປຸ່ນ (ມູນນິທິຍີ່ປຸ່ນ)
  - ການສອບເສັງຄວາມສາມາດດ້ານພາສາຍີ່ປຸ່ນ (ລະດັບN4 ຫຼື ສູງກວ່ານັ້ນ ), (ມູນນິທິຍີ່ປຸ່ນ & ການແລກປ່ຽນດ້ານການສຶກສາ ແລະ ການບໍລິການຍີ່ປຸ່ນ)
• ※3 ◯ ຕ້ອງມີອາຍຸຢ່າງໜ້ອຍ 18 ປີ
  ◯ ຕ້ອງຜ່ານການສອບເສັງທັກສະ ແລະ ຄວາມສາມາດດ້ານພາສາຍີ່ປຸ່ນ (ຄົນຕ່າງປະເທດຜູ້ທີ່ສຳເລັດການຝຶກງານດ້ານເຕັກນິກວິຊາການ (ii) ແມ່ນຈະໄດ້ຮັບການຍົກເວັ້ນ)
  ◯ ຕ້ອງຢູ່ອາໄສລວມລວມທັງໝົດບໍ່ເກີນ 5 ປີ ໃນຖານະຂອງຜູ້ອອກແຮງງານທີ່ມີທັກສະສະເພາະ
  ◯ ຕ້ອງບໍ່ຖືກຮຽກເກັບເງິນມັດຈຳຫຼືເຊັນສັນຍາໃດໆທີ່ກຳນົດການລົງໂທດທາງການເງິນ
  ◯ ຖ້າຈ່າຍຄ່າໃຊ້ຈ່າຍຂອງຕົນເອງ, ຕ້ອງມີຄວາມເຂົ້າໃຈກ່ຽວກັບເນື້ອຫາຢ່າງຄັກແນ
  ແລະອື່ນໆ
• ※4 ◯ ເຂົ້າຮ່ວມຟັງງານປະຖົມນິເທດແນະນຳກ່ຽວກັບຊີວິດປະຈຳ ວັນທີອົງການຮັບເອົາ, ອື່ນໆ ຈັດຂຶ້ນ.
  ◯ ລົງທະບຽນເປັນຜູ້ພັກເຊົາຢູ່ຫ້ອງການເມືອງ ສຳລັບສະຖານທີ່ທີ່ທ່ານອາໄສຢູ່
  ◯ ເປີດບັນຊີທະນາຄານ ສຳລັບການຈ່າຍຄ່າແຮງງານ
  ◯ ຊອກຫາບ້ານ
  ແລະອື່ນໆ

①ການສອບເສັງຄວາມສາມາດດ້ານພາສາຍີ່ປຸ່ນ (ສະເພາະແຕ່ SSW (i))

ເພື່ອໃຫ້ໄດ້ສະຖານະພາບການພັກເຊົາຂອງ "ຜູ້ອອກແຮງງານທີ່ມີທັກສະສະເພາະ(i)", ທ່ານຈຳເປັນຕ້ອງຜ່ານການສອບເສັງຂອງມູນນິທິຍີ່ປຸ່ນ ສຳລັບພື້ນຖານພາສາຍີ່ປຸ່ນ (JFT-Basic) ຫຼື ຜ່ານລະດັບ N4 ຂອງການສອບເສັງຄວາມສາມາດດ້ານພາສາຍີ່ປຸ່ນ (JLPT), ເຊິ່ງດຳເນີນໃນຍີ່ປຸ່ນຫຼືປະເທດອື່ນ. (ແຕ່ຍົກເວັ້ນສຳລັບ SSW (ii))

• - ເວັບໄຊທ໌ທາງການຂອງການສອບເສັງຂອງມູນນິທິຍີ່ປຸ່ນສຳ ລັບພື້ນຖານພາສາຍີ່ປຸ່ນ (JFT-Basic), ສະບັບພາສາອັງກິດ (ມູນນິທິຍີ່ປຸ່ນ)
• - ເວັບໄຊທ໌ທາງການຂອງການສອບເສັງຄວາມສາມາດດ້ານພາສາຍີ່ປຸ່ນ (JLPT), ສະບັບພາສາອັງກິດ (ມູນນິທິຍີ່ປຸ່ນ & ການແລກປ່ຽນດ້ານການສຶກສາ ແລະ ການບໍລິການຍີ່ປຸ່ນ)

* ສຳລັບວຽກງານດ້ານການພະຍາບານ, ທ່ານແມ່ນຍັງຈະຕ້ອງຜ່ານການທົດສອບການປະເມີນຜົນດ້ານພາສາຍີ່ປຸ່ນດ້ານການດູແລພະຍາບານນຳອີກ.

• - ປຶ້ມຝຶກອົບຮົມ (ສະບັບພາສາອັງກິດ)

②ການສອບເສັງທັກສະ

ເພື່ອໃຫ້ໄດ້ສະຖານະພາບຂອງການພັກເຊົາຜູ້ອອກແຮງງານທີ່ມີທັກສະສະເພາະ, ທ່ານຈະຕ້ອງຜ່ານການທົດສອບຄວາມສາມາດ ສຳລັບແຕ່ລະຂະແໜງອຸດສະຫະກຳທີ່ລະບຸໄວ້, ເຊິ່ງດຳເນີນໃນຍີ່ປຸ່ນຫຼືປະເທດອື່ນ.

• - ລາຍການຂອງການສອບເສັງ (ປັບປຸງຕາມຄວາມຕ້ອງການ) (ສະບັບພາສາອັງກິດ)