ສະຖານະພາບຂອງການພັກເຊົາ SSW ແມ່ນຫຍັງ?
ສະຖານະພາບຂອງການພັກເຊົາ SSW ແມ່ນຫຍັງ?
ວີຊ່າ ແລະ ສະຖານະພາບຂອງການພັກເຊົາ
ຕາມກົດລະບຽບທົ່ວໄປ, ຜູ້ທີ່ມີສັນຊາດຕ່າງປະເທດທີ່ມີຈຸດປະສົງຢາກເຂົ້າປະເທດຍີ່ປຸ່ນ ແມ່ນຕ້ອງໄດ້ອອກວີຊ່າຢູ່ສະຖານທູດຍີ່ປຸ່ນ (ອົງການກະຊວງການຕ່າງປະເທດ) ຢູ່ຕ່າງປະເທດ. ເຖິງຢ່າງໃດກໍ່ຕາມ, ມີວີຊ່າພຽງຢ່າງດຽວ ແມ່ນບໍ່ໄດ້ຮັບປະກັນເຖິງການເຂົ້າປະເທດຍີ່ປຸ່ນ. ເມື່ອທ່ານມາຮອດປະເທດຍີ່ປຸ່ນ, ທ່ານຈະຕ້ອງໄດ້ຜ່ານການກວດສອບທີ່ຈຳເປັນຢູ່ສະໜາມບິນແລະອື່ນໆ ໂດຍສຳນັກງານກວດຄົນເຂົ້າເມືອງຂອງກະຊວງຍຸຕິທຳ. ດັ່ງນັ້ນ, ທ່ານຈະຕ້ອງໄດ້ຮັບສະຖານະພາບການພັກເຊົາທີ່ສອດຄ່ອງກັບກິດຈະ ກຳ ທີ່ທ່ານຕັ້ງໃຈປະຕິບັດໃນປະເທດຍີ່ປຸ່ນ. ເພາະສະນັ້ນ, “ວີຊ່າ” ແລະ “ສະຖານະພາບຂອງການພັກເຊົາ” ແມ່ນເປັນຂັ້ນຕອນທີ່ແຍກຈາກກັນຕ່າງຫາກ ເຊິ່ງຢູ່ພາຍໃຕ້ສິດອຳ ນາດຂອງອົງການຈັດຕັ້ງທີ່ແຕກຕ່າງກັນ. ລະບົບ SSW ທີ່ສະເໜີ ໃນໜ້ານີ້ແມ່ນເປັນປະເພດຂອງສະຖານະພາບຂອງການພັກເຊົາທີ່ໄດ້ສ້າງຕັ້ງຂື້ນໃໝ່.
SSW ແມ່ນມີ 2 ປະເພດ ຄື: "ຜູ້ອອກແຮງງານທີ່ມີທັກສະສະເພາະ" - (i) ແລະ (ii)
ຄຸນລັກສະນະຂອງ SSWs
ຜູ້ທີ່ມີເງື່ອນໄຂໄປເຮັດວຽກຢູ່ປະເທດຍີ່ປຸ່ນໃນຖານະເປັນ SSWs ຕ້ອງມີອາຍຸຢ່າງໜ້ອຍ 18 ປີ, ຕ້ອງມີສຸຂະພາບທີ່ດີ, ແລະຕ້ອງມີທັກສະທີ່ຈະສາມາດເລີ່ມຕົ້ນເຮັດວຽກໄດ້ທັນທີໂດຍບໍ່ໄດ້ຮັບການອົບຮົມກ່ອນ.
ອີກປະການໜຶ່ງ, ມີອີກລະບົບໜຶ່ງ ທີ່ເອີ້ນວ່າ “ການຝຶກງານດ້ານເຕັກນິກວິຊາການ”, ເຊິ່ງຖືກສ້າງຕັ້ງຂື້ນເພື່ອຈຸດປະສົງຂອງການປະກອບສ່ວນລະຫວ່າງປະເທດ, ໃນນັ້ນຜູ້ອອກແຮງງານໄດ້ຮຽນຮູ້ເຕັກນິກຕ່າງໆຜ່ານການຝຶກອົບຮົມພາກປະຕິບັດໃນປະເທດຍີ່ປຸ່ນ, ຈາກນັ້ນ ແບ່ງປັນຄວາມຊ່ຽວຊານດ້ານເຕັກນິກຂອງຍີ່ປຸ່ນ ເມື່ອກັບຄືນປະເທດຂອງຕົນ. ມີເສັ້ນທາງ ສຳລັບຜູ້ທີ່ປະສົບຜົນສຳເລັດໃນການຝຶກອົບຮົມ ຈຳນວນໜຶ່ງ ພາຍໃຕ້ລະບົບນີ້ ເພື່ອປ່ຽນສະຖານະພາບຂອງການພັກເຊົາຂອງພວກເຂົາໄປເປັນ SSW (i) ໃນຂະແໜງ ດຽວກັນ ໂດຍບໍ່ຕ້ອງໄດ້ທົດສອບຄວາມສາມາດໃນການເຮັດວຽກແລະຄວາມສາມາດດ້ານພາສາຍີ່ປຸ່ນ. ກະລຸນາເບິ່ງຕາຕະລາງຄວາມແຕກຕ່າງຕົ້ນຕໍລະຫວ່າງ SSW (i) ແລະ (ii) ດັ່ງຕໍ່ໄປນີ້.
ຜູ້ອອກແຮງງານທີ່ມີທັກສະສະເພາະ
SSW (i) : ສະຖານະພາບການພັກເຊົາ ສຳລັບຄົນຕ່າງປະເທດທີ່ເຮັດວຽກທີ່ຕ້ອງການທັກສະທີ່ຕ້ອງໃຊ້ຄວາມຮູ້ຫຼືປະສົບການຫຼາຍພໍສົມຄວນໃນຂົງເຂດອຸດສະຫະກຳສະເພາະ
SSW (ii) : ສະຖານະພາບການພັກເຊົາສຳລັບຄົນຕ່າງປະເທດທີ່ເຮັດວຽກທີ່ຕ້ອງການທັກສະທີ່ມີຄວາມຊຳນານໃນຂົງເຂດອຸດສາຫະກຳສະເພາະ.
| ໄລຍະເວລາຂອງການພັກເຊົາ | SSW (i) : ສູງສຸດລວມແມ່ນ 5 ປິ SSW (ii) : ບໍ່ມີການກຳຈັດເວລາໃນການຕໍ່ອາຍຸ |
|---|---|
| ລະດັບທັກສະຄວາມສາມາດ | SSW (i) : ຖືກຢັ້ງຢືນດ້ວຍການສອບເສັງ (ຄົນຕ່າງປະເທດຜູ້ທີ່ສຳເລັດການຝຶກງານດ້ານເຕັກນິກວິຊາການ (ii) ແມ່ນຈະໄດ້ຮັບການຍົກເວັ້ນຈາກການສອບເສັງ) SSW (ii) : ຖືກຢັ້ງຢືນດ້ວຍການສອບເສັງ ແລະ ອື່ນໆ |
| ລະດັບຄວາມສາມາດດ້ານພາສາຍີ່ປຸ່ນ | SSW (i) :ຄວາມສາມາດດ້ານພາສາຍີ່ປຸ່ນສຳລັບການໃຊ້ຊີວິດປະຈຳວັນ, ເຮັດວຽກ ແລະ ອື່ນໆ ແມ່ນຈະຖືກຢັ້ງຢືນດ້ວຍການສອບເສັງ SSW (ii) : ຈະໄດ້ຮັບການຍົກເວັ້ນຈາກການສອບເສັງຕ່າງໆ |
| ການພາຄອບຄົວມາພ້ອມ | SSW (i) :ໂດຍພື້ນຖານແລ້ວແມ່ນບໍ່ອະນຸຍາດ SSW (ii) : ຖ້າຄົບຕາມເງື່ອນໄຂແມ່ນໄດ້ (ຄູ່ສົມລົດ, ລູກ) |
SSW (i) : ມີສິດທີ່ຈະໄດ້ຮັບການສະໜັບສະໜູນຊ່ວຍເຫຼືອໂດຍອົງການທີ່ຮັບ ຫຼືອົງການສະໜັບສະໜູນທີ່ລົງທະບຽນ
ອາຊີບທີ່ອະນຸຍາດໃຫ້ທ່ານເຮັດວຽກຢູ່ປະເທດຍີ່ປຸ່ນໃນນາມ SSW
ໜ້າທີ່ສະເພາະທີ່ຊ່ວຍໃຫ້ທ່ານສາມາດເຮັດວຽກໃນນາມ SSW ແມ່ນໄດ້ລະບຸໄວ້ຂ້າງລຸ່ມນີ້ ສຳລັບແຕ່ລະ 16 ປະເພດອຸດສາຫະກຳ.
ໝາຍເຫດ: ມີພຽງແຕ່ SSW (i) ທີ່ນອນຢູ່ໃນຂົງເຂດ “ການດູແລພະຍາບານ”, “ອຸດສາຫະກຳການຂົນສົ່ງລົດໃຫຍ່”, “ທາງລົດໄຟ”, “ປ່າໄມ້” ແລະ “ອຸດສາຫະກໍາໄມ້”.
ພາຍໃຕ້ສິດການປົກຄອງຂອງກະຊວງສາທາລະນະສຸກ,ແຮງງານແລະສະຫວັດດີການ
-
ການດູແລພະຍາບານນອກເໜືອຈາກການເບິ່ງແຍງທາງດ້ານຮ່າງກາຍ (ຊ່ວຍອາບນ້ຳ, ອາຫານ, ການຂັບຖ່າຍຂອງຮ່າງກາຍແລະອື່ນໆ ເຊິ່ງຂື້ນກັບສະພາບທາງດ້ານຮ່າງກາຍແລະຈິດໃຈຂອງຜູ້ໃຊ້), ການບໍລິການຊ່ວຍເຫຼືອໃດໜື່ງທີ່ກ່ຽວຂ້ອງກັບສິ່ງນີ້ (ການພັກຜ່ອນຢ່ອນໃຈ, ການຊ່ວຍເຫຼືອໃນການຝຶກປະຕິບັດໜ້າທີ່, ແລະອື່ນໆ.)
-
ທຳຄວາມສະອາດຕຶກອາຄານທຳຄວາມສະອາດອາຄານພາຍໃນ
ພາຍໃຕ້ສິດການປົກຄອງຂອງກະຊວງເສດຖະກິດ,ການຄ້າແລະອຸດສາຫະກຳ
-
ອຸດສາຫະກຳການຜະລິດຜະລິດຕະພັນອຸດສາຫະກໍາ ・ການກຶງ ແລະ ການແປຮູບໂລຫະ
・ການປະກອບອຸປະກອນເຄື່ອງໄຟຟ້າ ແລະ ເອເລັກໂທຣນິກ
・ການຮັກສາຜິວໂລຫະ
・ການຜະລິດກ່ອງເຈ້ຍ ແລະ ແກັດເຈ້ຍ
・ການຜະລິດຜະລິດຕະພັນຄອນກຣີດສຳເລັດຮູບ
・ການຜະລິດນ້ຳມັນເຊື້ອໄຟຈາກເສດເຈ້ຍ ແລະ ພຼາດສະຕິກ
・ການຜະລິດເຄື່ອງປັ້ນດິນເຜົາ
・ການພິມ / ການເຮັດປຶ້ມ
・ການຜະລິດຜະລິດຕະພັນແຜ່ນແພ
・ຕັດຫຍິບ
ຢູ່ພາຍໃຕ້ສິດການປົກຄອງຂອງກະຊວງທີ່ດິນ, ໂຄງຮ່າງພື້ນຖານ, ການຂົນສົ່ງຄົມມະນາຄົມ ແລະ ທ່ອງທ່ຽວ
-
ການກໍ່ສ້າງ・ວິສະວະກຳໂຍທາ
・ການກໍ່ສ້າງ
・ໂຄງລ່າງພື້ນຖານ ສິ່ງອຳນວຍຄວາມສະດວກ ແລະ ອຸປະກອນ -
ອຸດສະຫະກຳການກໍ່ສ້າງເຮືອ ແລະ ອຸດສະຫະກຳເຄື່ອງຈັກທາງທະເລ・ການກໍ່ສ້າງເຮືອ
・ເຄື່ອງຈັກທາງທະເລ
・ອຸປະກອນໄຟຟ້າ ແລະ ເອເລັກໂທຣນິກເຮືອ -
ການສ້ອມແປງແລະບຳລຸງຮັກສາລົດຍົນການບໍາລຸງຮັກສາປະຈໍາວັນຂອງລົດຍົນ, ການບໍາລຸງຮັກສາຢ່າງເປັນປະຈຳ, ການບໍາລຸງຮັກສາສະເພາະ, ວຽກງານພື້ນຖານທີ່ກ່ຽວກັບການບຳລຸງຮັກສາສະເພາະດ້ານ
-
ການບິນການຈັດການກັບພາກພື້ນດິນຂອງສະໜາມບິນ (ບໍລິການການຊ່ອຍຂັບຂີ່ພາກພື້ນດິນ, ບໍລິການຂົນສົ່ງກະເປົາ / ຂົນສົ່ງສິນຄ້າແລະອື່ນໆ), ການບຳລຸງຮັກສາເຮືອບິນ (ບໍລິການບຳ ລຸງຮັກສາເຮືອບິນ, ອຸປະກອນ, ແລະອື່ນໆ)
-
ທີ່ພັກໃຫ້ການບໍລິການທີ່ກ່ຽວຂ້ອງກັບທີ່ພັກລວມທັງວຽກຕ້ອນຮັບແຂກ, ການວາງແຜນແລະປະຊາສຳພັນ, ການບໍລິການລູກຄ້າ, ການບໍລິການຮ້ານອາຫານແລະອື່ນໆ.
-
ອຸດສາຫະກຳການຂົນສົ່ງລົດຍົນ・ຄົນຂັບລົດບັນທຸກ
・ຄົນຂັບລົດແທັກຊີ
・ຄົນຂັບລົດເມ -
ທາງລົດໄຟ・ການກໍ່ສ້າງ ແລະ ການບໍາລຸງຮັກສາທາງລົດໄຟ
・ການກໍ່ສ້າງ ແລະ ການບໍາລຸງຮັກສາສິ່ງອຳນວຍຄວາມສະດວກໄຟຟ້າ
・ການບຳລຸງຮັກສາລົດໄຟ
・ການຜະລິດລົດໄຟ
· ວຽກງານການຂັບລົດ (ພະນັກງານຂັບລົດ ແລະ ພະນັກງານທີ່ປະຕິບັດວຽກງານໂດຍກົງໃນຂະບວນລົດໄຟ/ລົດຍົນ)
ພາຍໃຕ້ສິດການປົກຄອງຂອງກະຊວງກະສິກຳ ປ່າໄມ້ ແລະ ການປະມົງ
-
ກະສິກຳການປູກຝັງກະສິກໍາທົ່ວໄປ (ການບໍລິຫານພືດປູກ, ການເກັບກໍາ / ການຂົນສົ່ງສິນຄ້າ / ການຄັດເລືອກຜະລິດຕະພັນກະສິກໍາ, ແລະອື່ນໆ), ການລ້ຽງສັດທົ່ວໄປ (ການຄຸ້ມຄອງການໃຫ້ອາການສັດລ້ຽງ, ການເກັບກ່ຽວ /ການຂົນສົ່ງສິນຄ້າ / ການຄັດເລືອກຜະລິດຕະພັນສັດລ້ຽງ, ແລະອື່ນໆ)
-
ການປະມົງ ແລະ ການລ້ຽງສັດນ້ຳການປະມົງ (ຜົນຜະລິດ / ສ້ອມແປງເຄື່ອງມືຫາປາ, ຊອກຫາສັດນ້ຳຫຼືພືດນ້ຳ, ອຸປະກອນຫາປາ/ ເຄື່ອງຈັກຫາປາ, ເກັບກ່ຽວສັດນ້ຳແລະພືດນ້ຳ, ການປຸງແຕ່ງ / ເກັບມ້ຽນ, ຮັບປະກັນຄວາມປອດໄພແລະສຸຂະພາບ, ແລະອື່ນໆ), ການລ້ຽງສັດນ້ຳ (ການຜະລິດ / ສ້ອມແປງ / ການຄຸ້ມຄອງ ອຸປະກອນລ້ຽງສັດນ້ຳ, ການຄຸ້ມຄອງການເພາະລ້ຽງ / ການເກັບກ່ຽວ / ການປຸງແຕ່ງສັດນ້ຳ ແລະພືດນ້ຳ, ການຮັບປະກັນສຸຂະພາບແລະຄວາມປອດໄພ, ແລະອື່ນໆ)
-
ການຜະລິດອາຫານແລະເຄື່ອງດື່ມການຜະລິດອາຫານແລະເຄື່ອງດື່ມທົ່ວໄປ (ການຜະລິດແລະການປຸງແຕ່ງອາຫານແລະເຄື່ອງດື່ມ (ຍົກເວັ້ນເຄື່ອງດື່ມທີ່ມີທາດເຫຼົ້າ), ສຸຂະພາບແລະຄວາມປອດໄພ)
-
ອຸດສາຫະກຳການບໍລິການອາຫານບໍລິການອາຫານທົ່ວໄປ (ການກະກຽມອາຫານແລະເຄື່ອງດື່ມ, ການບໍລິການລູກຄ້າ, ການຄຸ້ມຄອງບໍລິຫານຮ້ານ)
-
ປ່າໄມ້ການປູກປ່າ, ການຜະລິດໄມ້ທ່ອນ, ແລະ ອື່ນໆ
-
ອຸດສາຫະກໍາໄມ້ການປຸງແຕ່ງໄມ້ໃນອຸດສາຫະກໍາໂຮງເລື່ອຍ ແລະ ອຸດສາຫະກໍາໄມ້ອັດ, ແລະ ອື່ນໆ.
ການແນະນຳກ່ຽວກັບປະສົບການຕ່າງໆຂອງ SSWs ໃນປະເທດຍີ່ປຸ່ນ
ວິດີໂອຕໍ່ໄປນີ້ແມ່ນຖືກສ້າງຂຶ້ນໃນເດືອນມີນາ ປີ 2022. ໃນເດືອນເມສາ ປີ 2024, “ອຸດສາຫະກຳວັດຖຸດິບແລະ ຂະບວນການ” ໄດ້ປ່ຽນເປັນ “ອຸດສາຫະກຳການຜະລິດຜະລິດຕະພັນອຸດສາຫະກໍາ”.
Blossom! in Japan.
ວິດີໂອຕໍ່ໄປນີ້ແມ່ນຖືກສ້າງຂຶ້ນໃນເດືອນມີນາ ປີ 2022. ຫຼັງຈາກເດືອນເມສາ ປີ 2024 ເປັນຕົ້ນໄປ ແມ່ນຈະມີ 16 ປະເພດອຸດສາຫະກໍາ.
